E Servicio di Prevencion Colectivo (CPS), un departamento den e Ministerio di Salud Publico, Desaroyo Social y Labor di Sint Maarten, ta haci un yamada na e comunidad y en particular na mayornan y tutornan, centro di cuido di dia, scolnan di wega, y comunidadnan di scol primario pa tuma medidanan preventivo pa mitiga e malesa di man, pia y boca (HFMD).
HFMD ta un malesa viral comun, pero hopi contagioso, cu ta afecta baby y mucha di 5 aña of menos. Tin biaha esaki por sosode na adulto. No tin un vacuna pa proteha contra e virusnan cu ta causa malesa di man, pia y boca.
Sintomanan di HFMD ta keintura, dolor di garganta, herida den boca y un erupcion di curpa, masha na man y pia. Tin biaha e rash por bira pester doloroso. Mayoria di e muchanan por tin sintomanan leve pa 7 pa 10 dia.
HFMD ta pasa di un persona pa otro via sushi di nanishi y garganta ( manera saliva, sputum, of mucus di nanishi), di personanan infecta. Ora bo ta maneha crèche of trata cu mucha, ta consehabel pa bo tuma e medidanan preventivo necesario manera bisti handschoen y laba bo man despues.
Personanan cu sintoma mester consulta nan dokter di cas y tuma medidanan preventivo necesario pa mitiga un aumento den e cantidad di caso.
Pa baha bo riesgo di ser infecta cu HFMD, laba bo man hopi biaha cu awa y habon, specialmente despues di cambia paña y bay toilet, desinfecta superficie nan y cosnan sushi, incluyendo cosnan di hunga di e muchanan. Si bo no tin awa y habon disponibel, uza desinfectante di man cu alcohol.
Laba cos cu awa y habon y despues desinfecta nan cu un solucion di florin; y evita contacto estrecho manera sunchi, brasa, chupa dede grandi, come na nan cuchara of forki, of comparti cuminda of kop cu personanan infecta.
Tin un cantidad di medidanan preventivo cu centronan di dia y scolnan preescolar por tuma manera limpi superficio. Tur cosnan di hunga mester desinfectanan despues cu e uchanan ta hunga cu nan.
E centro di cuido di dia mester uza handschoem di un biaha y tin protocol pa sanea man y cambia area di un mucha pa otro.
HFMD no ta mescos cu malesa di pia y boca, cu ta afecta bibo, carne porco. E dos efectonan no ta relaciona, y bo no por haña malesa di man, pia y boca di animal.