E tempo cu nos ta bibando aden ta tempo trabahoso, ta tempo peligroso, ta un tempo cu faltamento di
respet pa Dios y pa hende a bira algo hopi normal. Temor di Dios casi no tin mas, y hende ta birando
mas materialista y den tur cos ta wak nan propio interes y lubida riba nan prohimo.
Respet pa bida di hende no tey, nos ta mirando cu e ta bayendo perdi, sinseridad a bay for di moda,
kada ken ta envolvi den nan propio cos, hende a bira irreonciliabel, y falta di pordon a haci su entrada
tur caminda.
E forsa negativo riba e mundo aki, ta halando hopi hende den su direccion, e rechaso di e palabra di
Dios, a bira algo normal, pero ta para scirbi caminda Hesus mes a bisa den Juan 14:6, Ami ta e
caminda, y e berdad, y e bida,ni un hende no ta bin serca e Tata sino pa medio di Mi.
E unico opcion pa salbacion ta Cristo Hesus,
E unico opcion pa hende biba corecto ta Cristo Hesus,
E unico opcion pa nos yuinan lanta den bon caminda ta Cristo Hesus,
E unico opcion pa sostene un matrimonio ta Cristo Hesus,
E unico opcion pa respet y integridad ta Cristo Hesus,
E unico opcion pa bida decente leu for di inmoralidad ta Cristo Hesus,
E unico opcion pa nos liberacion ta Cristo Hesus,
E unico opcion pa reconciliacion familiar ta Cristo Hesus.
E unico opcion pa bida eterna ta Cristo Hesus.
Santiago of e buki di Jacobo ta bisa nos den capitulo 4:7-8 : Pesey somete boso na Dios, resisti e
diabel y e lo huy for di boso. Hala serca Dios y E lo hala serca boso,. Laba boso mannan boso
pecadornany purifica boso curason, boso di curason dobbel
Humildad falso a haci su entrada, caminda hende kier complace otro mas cu Dios,caminda hopi
blaachi ta wordo mira pero poco fruta, caminda e actitud di hende ta parce di ta cu Dios, pero e
curason ta leu for di Dios.
E anhelo pa e presencia di Dios, den nos bida mester aumenta, pa medio di nos oracion y ayuno, pa
medio di lesa su palabra, y bishita nos servicionan,
E berdad mester wordo predica tur caminda, pasobra e tempo ta cortico, y e maldad ta aumentando
den tur cos, maldad ta jaag tras di nos hubentud, y nos no por para keto laga diabel avansa .
Palabra di Dios ta bisa den Mateo 6:33: Ma busca prome e reino di Dios y Su husticia y tur e cosnan
aki lo wordo añadi na boso. Esaki ta indica cu nos tur mester di Dios.
Si mi pueblo cu ta wordo yama na Mi nomber, humiya nan mes, y haci oracion,y busca Mi cara,y bira
for di nan mal camindanan, e ora ey lo mi tende for di cielo, y pordona nan pica, y cura nan tera.(2
Cronicanan 7:14).
Keda den Mi y Ami den boso. Mescos cu e rama no por carga fruta di su mes , si e no ta keda den e
mata di wijndruif, asina boso tampoco,si boso no keda den Mi.( Juan 15:4).
Esun cu uni cu maldad, lo experiencia tur tipo di forsa di maldad, ma esun cu uni cu Dios, lo
experiencia, Dios Su gracia, amor , favor y misericordia, tur dia y na tur momento.
Ma esun cu uni su mes cu Señor lo ta un spirito cun’E.(1 Corintionan 6:7).
Cristo Hesus no ta leu for di nos, pasobra E a priminti di no bandona nos nunca.
Sinceramente,Pastor Marcel Balootje.