Deporte ta hasi patria. Un dicho ku ta un bèrdat pero aki na Kòrsou e la kai kòrtiku. Speshial ku e deporte rei, ku ta futbòl na Kòrsou. Futbòl na Kòrsou ta muriendo un morto lento. Kasi 2 aña no tin futbòl den nos divishon maksimo( nos hóbennan entre 20 pa 35 aña). Hopi lastima, un situashon lamentabel i alarmante. Nos ta pèrdiendo tempu i talento.
Kousa Promé ta haña ku e situashon aki no por sigui mas. Kousa Promé ta di opinion ku Gobièrnu mester drenta i intermediá den e asunto aki. Pasobra e ta afektá bo siudadanonan. E ta destruyendo nos atletanan. E ta matando nos futbòl.
Meskos ku ora Ennia, un negoshi privá, a trese nos penshonadonan na peliger, Gobièrnu a intermediá pa salbaguardiá e penshonado. Gobièrnu tin e deber síviko pa intermediá aworaki tambe pa nos futbòl nashonal.
Si Kousa Promé drenta den parlamento Kousa Promé lo influensiá pa e ministerio di OCWS intermediá i yuda resolvé:
1. E konstelashon di e timnan den promé i segunda divishon.
2. Organisashon di elekshon pa un bestür nobo.
3. Fondonan pa e kampionato lokal.
Ing Roderick Rosaria