Kòrda e kaso kaminda SVB Kòrsou a kòrta 10% di AOV di tur esnan ku ta biba pafó di Kòrsou? Plùs nan a kita kerstbonus? Total kasi 20%? Wèl, e kaso aki a ser tratá den Korte di Hustisia na novèmber 2019. Despues Korte a hasi preguntanan por eskrito na ambos partido, lokual a ser finalisá na yüli 2020. Dia 7 di dezèmber último Korte a bolbe trata e kaso den un seshon verbal.
Y awor lo dikta fayo dia 1 di mart 2021.
Pues tur penshonado por ta trankilo. Korte no a lubidá boso. El a dura hopi, pero awor Korte ta sinti ku nan tin sufisiente informashon pa por tuma desishon. Keda pendiente. Tene fe.
Tin speransa …