For di diferente di skina di comunidad a haya expresionnan di preocupacion. Specialmente despues di e ultimo caso unda cu un muhe Latino a yega namora un funcionario halto den cadena di husticia. Hopi ta pensa cu no ta trata aki di amor pero simplemente un acto premedita.
Cu principalmente muhenan Latino pa decadanan largo ta bini Aruba en busca di un miho porvenir ta conoci. Sin embargo loke si por a constata cu esunnan cu ta bini awo ta diferente. Nan ta simplemente trata di drenta cu un meta: Haak un homber di bon posicion y principalmente uno cu poder cu por yud’e keda Aruba, a pesar di tur e restriccion cu tin pa entrada. Y de paso trece famia tambe.
Un di e preocupacionnan mas grandi cu e muhe Latino, specificamente Venezolano y Colombiano ta haci tur cos pa logra capta atencion net di esunnan den mundo di husticia, labor, comerciantenan exitoso y esnan den posicionnan halto den gobienro etc. Si mira con diferente persona di nacionalidad Venezolano y Colombiano, apesar di un stop, ta logra haya permiso pa drenta Aruba.
Na Aruba nos no ta custumbra cu e sistema ey pasobra Latinonan ta custumbra di jaagt, por mir’e principalmente na Venezuela y Colombia, cu e muhenan semper ta casa cu un homber mas grandi cu ne pa haya e stabilidad financiero. Y esaki ta loke por mira rond na Aruba cu nan a importa tambe. Ta manera ta traha un plan, yega cu e meta fiho di bay sitionan unda ehecutivonan of personanan di autoridad ta “hang around”. Di forma sutil ta percura pa cera conoci cu otro y eynan e plan ta bay den ehecucion.
Mester djis tira un bista cuanto funcionarionan den departamentonan esencial, den husticia, den labor of cualkier persona di un funcion halto sea a divorcia of a laga pareha, pasobra a haya pareha nobo cu coincidentalmente ta Latino. Y como e homber (of muhe) ta den posicion algo, y tin su contactonan, facilmente por pidi e fabor pa duna permiso.
Si cos bira dificil, hasta ta Sali na estado ya cu e yiu ta bira e arma pa keda na Aruba y haya alimentacion, si ta necesario mientras cu e mama mes ta haya permiso pa traha pa yuda cria su yiu.
E muhe of homber Arubiano ta di descendencia humilde y facilmente ta cay den trampa cu simplemente poco palabranan bunita expresa. E diferente comentarionan ricibi ta indica cu tur hende mester habri nan wowo y no cay den trampa.