Riba djadumingu 25 di sèptèmber alrededor di 02.40 or di atardi sentral di polis a risibí notifikashon tokante un hòmber ku probablemente tabatin un arma di kandela den su poseshon. Na momentu ku polis a yega na e sitio i a tuma nota di e sospechoso, e sospechoso a pura drenta un establesimentu di kuminda situá riba Kaya Dr. J.G. Hernandez. Polis a sigui e sospechoso paden. A listra e sospechoso pero no a enkontrá nada riba su persona. No opstante, polis por a mira den e imágen di vidio di seguridat di e establesimentu ku promé ku a listra e sospechoso, e tabata kana rònt na e parti di patras di e establesimentu. Despues di esaki, polis a realisá un búskeda kaminda a bin topa ku un arma di kandela. A detené un hòmber di inisial J.A.E. di 40 aña di edat en konekshon ku violashon di lei di arma di kandela BES.
Detenshon pa violashon di lei di arma di kandela BES
