Riba djasabra 29 di novèmber 160 invitado a nabegá huntu riba e barku di Marina Zr. Ms. Groningen, durante e dia di Kompromiso Naval Anual di e barku di Marina na Kòrsou. Ministerio di Defensa den Region Karibe i Wardakosta Region Karibe, ku esaki ta duna un bista riba e mundu operashonal di e barku di stashon riba laman, i ta duna oportunidat pa diálogo entre gobièrnu, negoshinan, Ministerio di Defensa, i Wardakosta.
Durante e dia aki, invitadonan a haña diferente demonstrashon di unidatnan aéreo i marítimo di Defensa i Wardakosta Region Karibe. Ademas di e demostrashonnan, tabatin un ‘tour’ rònt abordo di e barku, i e tradishonal pasapalu ‘blou’. E Dia di Kompromiso Naval di Marina a tuma lugá na kuminsamentu di e luna aki na Aruba.
Situashon Aktual
Durante e diskurso di apertura, e komandante di defensa Karibe a refleha riba e situashon aktual: “E desaroyonan aktual den Region Karibe por ta motibu di preokupashon. Protekshon di e parti Karibense di Reino ta e prioridat mas haltu di Ministerio di Defensa den Region Karibe. Aktualmente no tin ningun menasa agudo den direkshon di e parti Karibense di Reino. E barku di stashon aktualmente ta hasiendo patruya pa vigilá e situashon di siguridat rondó di Islanan ABC. Ministerio di Defensa no ta envolví den e operashon Merikano den e region. Ministerio di Defensa ta vigilá e desaroyonan hopi di di aserka i ta tene Reino bon informá. CZMCARIB ta protehá Region Karibe i ta kontribuí na stabilidat i seguridat den e region.”
