Dia promé di òktober e Dia Internashonal di Hende Grandi anual a tuma lugá. Den kuadro di esaki, a organisá diferente eventonan special pa nos grandinan.
Diputado Peter Silberie a asistí na tres di e eventonan kaminda a dediká atenshon spesial na nos grandinan. Diputado a bishitá selebrashon di grandinan na sentro di bario Tera Kòrá, tambe na Jong Bonaire, i tambe un fiesta kultural na Zòzò Ranch.
E diputado a ekspresá su apresio pa e trabou ku grandinan a hasi tur e añanan. Tambe diputado a elogiá nan sabidoria di bida i resistensia. Pa e diputado tur dia ta dia di nos grandinan. Pero riba promé di òktober Boneiru ta selebrá esaki en grande ku nos grandinan kerí.