E atleta Arubano mas famoso den mundo di Mixed Martial Arts (MMA) Gregory Milliard (The Arubiano Assesin, manera nan ta yam’e) ta riba ring un biaha mas. Y pa e ocasion special aki, Drive In ta habri su porta pa fanaticonan mira e pelea aki riba pantaya grandi.
Bellator 268 ta e pelea unda cu e orguyo Arubiano Gregory Milliard lo enfrenta Javier Torres. Den su debut den Bellator contra Anglickas dia 17 di april ultimo, el a perde esaki.
El a haya un otro chens y e biaha’ki contra Javier Torres.
E pelea lo tuma luga riba diasabra, 16 di october. E organisadonan local ta trahando pa e pelea aki ta accesibel pa mas hopi fanatico posibel. A yega na un acuerdo cu Drive In cu lo bay stream e pelea. Ta bay cobra 25 florin pa cada auto.
Un invitacion ta bay na tur amantenan di MMA pa bini hunto y mira e pelea di e orguyo di Aruba riba escenario internacional.
