E ‘Capture Bonaire Photo Contest 2025’ tan sperá a yega na su fin i despues di a revisá e sentenáres di potrèt impreshonante, e ganadónan ta konosí! E kompetensia di e aña akí a mustra e kreatividat di partisipantenan talentoso, ku kada un tabata sa di kapta e esensia i bunitesa úniko di Boneiru, tantu riba tera komo bou di laman.
Ku mas di 350 potrèt, e hurado tabata sumamente impreshoná pa e perspektiva i e arte di konta storia ku a bini dilanti den e imágennan. Despues di deliberashon, e tres ganadónan a resultá:
Na promé lugá: Marcel van der Hulst
Premio: Sinku anochi pa dos persona na Divi Flamingo Beach Resort
Na di dos lugá: Thomas Galica
Premio: Sena pa dos persona ku un bòter di biña na Seaside Krioyo Fusion
Na di tres lugá: Rhodan Mulder
Premio: Bonaire Landsailing Adventures pa dos persona
Ta bai usa e potrètnan ganadó, huntu ku un selekshon di otro potrètnan sobresaliente, durante henter aña den aktividatnan di merkadeo di TCB.
Un danki di kurason na tur partisipante i na nos spònsernan generoso pa a hasi e Capture Bonaire Photo Contest 2025 un éksito asina grandi. Nos no por warda pa wak kiko otro aña ta trese pa nos!
