Apenas un par di dia como gobierno ya caba ta na un hilo cu Aruba posiblemente bay na un eleccion nobo. Ayera nochi tabatin un reunion cu team y votadornan di Mike de Meza y tabata basta discusta riba e posicion di screening di e politico. Sinembargo si Mike de Meza no por bira minister door di e screening e siguiente parlamentario den liña pa bira minister ta Stephany Sevinger.
Manera e arogancia y KIER di e politico mas malcria di historia di Aruba Gerlien Croes a indica cu no kier de Meza como minister , asina tambe e la indica di no kier Stephany Sevinger como minister den negociacionnan como formado. Gerlien Croes un senora putri di rabia y maldad unda cu e no ta haya su beneficio y su kier ,esaki ta e politico nobo cu Aruba kier ? Banda di tur cos mester bisa cu negociacionnan di gobierno di AVP-FUTURO tabata uno preta, instabil y cu condicion di la dama di condicionnan bruha y irealistico Gerlien Croes, pero cu Mike Eman ta permiti y cada bes ta baha cabes pa populismo y e deseo pa tin un gobierno y ta acepta tur condicionnan ridiculo y irealistico di e señora politico Gerlien Croes.
Sinembargo caya ta cayente y no ta descarta cu lo tin un posibel independencia di tres parlamentario di AVP den parlamento. Si esaki sosode e gobierno actual AVP-FUTURO wel di bay cas of nan lo keda pa haci y construi daño so ? of AVP ta madura y sinta cu MEP loke cu realmente pueblo a vota pe.
No ta un secreto cu Gerlien Croes y Geoffrey Wever ta e politiconan cu hopi maldad den nan mente “ soort zoekt soort “mirando kico Geoffrey Wever mes a haci cu su prome partido RAIZ y con e la gaña y manipula un pueblo dies pa yega na poder.
E politico Gerlien Croes cu a exigi diferente cosnan durante cu tabata den AVP cu awe ta raro cu e por a pasa screening y dicon no a haci un investigacion riba e politico cu ta yama su mes e diferencia den politica y pa awe e por ta un minister. E screening di Gerlien Croes a cana masha controversial di loke ta e realidad rond. Tambe den e negociacionnan cu AVP, un negociacion nunca antes bisto un negociacion putri di exigencianan pa yena alma cu poder cu a plaso largo hamas lo por cumpli cu ne tampoco, esaki ta e tipo di politiconan cu pueblo di Aruba a vota pe y cu awe ta bisto di e eror cu a tuma luga durante eleccion 2024.
Awe e dos partidonan mas instabil den historia politico di Aruba cu un gobierno hopi instabil pa maneha un Pais cu hopi reto.