E Compania na Wèst ta trein na Bonaire te dia 22 di Aprel E unidat aki di Ehérsito Real di Hulanda normalmente ta stashoná na Kòrsou. Meta di e ehersisio ta pa prepará pa Tarea Prinsipal 1: E defensa di Reino.
E ehersisio di e kompania ta konsistí di vários elemento. Por ehèmpel, tin un senario riba e tereno di entrenamentu kaminda nan mester libra un enemigu fiktisio. Tambe e sòldánan ta hibando ‘patruya sosial’ den besindario di Kralendijk. Durante e patruyanan aki, nan ta hiba kombersashon ku e poblashon lokal pa establesé kontakto i interkambiá informashon.
E ehersisio riba Bonaire ta wòrdu tené debí na e debernan konstitushonal ku forsanan armá tambe tin den Region Karibe. Por ehèmpel, un di e debernan aki ta e abilidat pa defendé bo mes teritorio. Adishonalmente, e Kompania na Wèst ta responsabel pa duna asistensia militar ora ta nesesario. Pa esaki ta esensial ku e sòldánan ta bon konosí ku tur e islanan.
