BonaireFeaturedInternacional

Entidat Publiko di Boneiru ta lansa plan pa rekuperashon di turismo

Tirsta Na Boneiro

Entidat Publiko di Boneiru huntu ku diferente stakeholder ta lansa un plan pa rekuperashon di turismo (Tourism Recovery Plan). E plan ta presentá un kambio fundamental den strategia di turismo di Boneiru. Enfoke ta riba e turista ku mas poder di kompra ku ta aportá na un ekonomia duradero.

 

E paro temporal di turismo a konsekuensia di e pandemia di Covid-19 a afektá nos ekonomia lokal severamente. E paro di turismo aki ta brinda Boneiru e oportunidat úniko pa implementá un maneho nobo segun rekomendashonnan di e Plan di turismo stratégiko (Strategic Tourism Master Plan, òf: STMP) publiká na 2017. E rekomendashonnan di e STMP di 2017 ta inkluí involvimentu di nos komunidat i pa atraé e turista ku lo trese mas entrada pa nos isla. Pa a yega na e “Tourism Recovery Plan”, a konsultá diferente stakeholder i eksperto, manera TCB, Bonhata, Kámara di Komèrsio, BBE i otronan ku ta forma parti di e sektor.  E núkleo di e “Tourism Recovery Plan” ta pa krea un turismo di kalidat haltu ku ta benefisiá primordialmente komunidat di Boneiru, pa medio di brinda un eksperensia úniko. E Tourism Recovery Plan tin 3 meta: Restablesé merkadonan eksistente i subi e averahe di entrada for di merkadonan ‘premium’, diversifiká e produkto turístiko i oumentá partisipashon di komunidat lokal.

 

Mester krea eksperensianan úniko mester pa medio di trese e turista mas serka di naturalesa, trese mas konekshon entre e turista ku nos hendenan i nos kultura, i krea mas sorto di aktividatnan ku por hasi durante dia i anochi. Lo enfoká riba diversifikashon, manera turismo deportivo, nomadanan digital, yatenan privá i kruseronan mas selektivo. Pa logra esaki ta bai traha riba mehorashon en general di nos infrastruktura.

 

Partisipashon di e komunidat lokal den desaroyo di turismo i balorashon di e identidat lokal i kultura ta esensial pa un destinashon di turismo duradero. Pa por logra e partisipashon aki ta bai invertí den den un plan di sertifikashon i konsientisashon pa Bonerianonan. Lo sigurá ku e komunidat ta bon informá i prepará pa por benefisiá di turismo i duna e turista ‘premium’ e mihó eksperiensia. Lo enkurashá e komunidat boneriano pa nan mes hasi uso di e produkto turístiko ya asina nan ta partisipa i yuda propagandá esaki.

 

E prioridat di Gobièrnu di Boneiru ta pa resumí operashonnan turístiko na un forma seif i responsabel, optimalisá e impakto ekonómiko i laboral i mehorá nos ekonomia, hasiendo uso di e konosementu ku nos mes hendenan i partnernan tin. Pa logra esaki, ta sumamente importante ku nos komunidat ta karga e vishon i ku kada suidanano i empresa ta kontribuí ku nan parti. Gobièrno i TCB lo buska kolaborashon ku sektor privá aktivamente, pa logra resultadonan signifikante i diferente na un manera efisiente. E Plan pa Rekuperashon di Turismo ta krea un kuadro pa aselerá e desaroyo, kaminda e implementashon mester ta un esfuerso konhunto ku partisipashon di e sektor i nos komunidat.

Pa mas informashon òf pa lesa e Tourism Recovery Plan bishitá https://www.tourismbonaire.com/strategictourismplan òf página di Facebook Bonaire Tourism Recovery Plan.

Related posts

Parlamentario Endy Croes: A Peticion General Pueblo ta roga pa acelera caso di corupcion di Benny Sevinger di AVP

EA News Author

Minister Armando Rudy Lampe : Accion di SKOA ta un echo lamentabel

EA News Author

Saca potret unda tin sushi den bo bario y manda pa “ Ban serio” pa yuda bo bario keda limpi limpi

EA News Author

1 comment

Leave a Comment

Whatsapp Message