Como un isla chikito cu recurso limita, Aruba ta depende di colaboracion strategico cu institucionnan internacional pa sigui fortalece su desaroyo social. Den area di educacion y apoyo comunitario, intercambio di conocemento cu organisacionnan cu hopi aña di experiencia por crea un impacto significativo.
Institucionnan na Hulanda tin decada di experticio den educacion sexual, desaroyo di hoben y salud preventivo. Cu e colaboracion adecuado, Aruba por adapta y contextualisa material educativo pa alinea cu standard internacional y, mesora, cu realidad y necesidad local. E enfoke aki ta asegura cu hoben Arubiano ta ricibi informacion y guia cu ta relevante, accesibel y efectivo.
Den e marco aki, Famia Planea a formalisa un colaboracion cu Programa Rutgers di Hulanda. E alianza aki ta permiti cu organisacion a haya acceso na contenido educativo di halto nivel, y sigui amplia e calidad di orientacion y formacion sexual riba nos isla.
