Directorado y personal di Filomena College Mavo na San Nicolas, ta desea Aruba henter, inclui cada famia di su alumno y personal, un bon aña 2024. Cu Dios derama su bendicion riba cada un di Aruba su habitantenan y cu e aña nobo trece bon noticia so. Di nos parti nos lo haci nos best cada dia pa brinda nos alumnonan cariño acompaña pa educacion den e materianan di nan escogencia. Filomena College Mavo ta y lo keda e scol cu ta promove e talento unico cu cada alumno ta bon den dje.
Tambe nos ta gradici cada mayor cu pa hopi aña caba ta pone nan confiansa den nos scol. Cu orguyo nos ta bisa cu nos ta contento den e forma cu nos alumno- y ex alumnonan ta desaroya nan mes. Un bendicion grandi pa cada ser humano di Aruba.
