Mester bini ku un solushon
Ultimo nos por tuma nota ku e situashon di kompania di Seguro ENNIA kual tin pa algun aña bou di kuratela di Banko Sentral. E situashon ta di tal manera ku penshonado ta kore risiko di haña un korte riba su penshun.
E situashon aki lo trese un desbalanse den henter nos komunidat i tin efekto riba nos reputashon komo pais i efekto negativo riba bida di puebo di Kòrsou.
Nos ta mira ku Gobièrnu tin di bai tuma un desishon pa asina salbaguardia penshun di tur penshonado i futuro penshonado. Banda di esaki tambe Gobièrnu tin e deber pa mantene konfiansa den nos sektor finansiero.
Pa e motibu aki nos a hasi petishon pa un reunion di Komishon Sentral. Pa e reunion aki nos ta desea Minister di Finansas i Banko Sentral pa tei presente. Na mes momento nos a hasi petishon na Gobièrnu pa manda dokumentonan relashoná ku e senarionan ku tin riba mesa pa asina Parlamento por tuma nota.