Internacional

Gabinete a prolonga pakete di ayudo pa Caribe Hulandes


Awe tabatin reunion di Conseho di Minister di Gobierno Hulandes. Den e reunion aki a dicidi pa prolonga pa nuebe luna mas loke nan ta yama “steun- en herstelpakket” tanto pa habitantenan y empresanan na Boneiro, Sint-Eustatius y Saba, debi na coronavirus, cu mester prolonga cu otro 9 luna te cu 12 di juli 2021. Habitante y empresanan na e islanan BES ta forma parti di Hulanda pa cual motibo nan por bini na remarca pa e mesun tipo di ayudo cu tin internamente na Hulanda.
Na momento di tuma e decision a menciona cu coronavirus a causa un impacto tgrandi riba e poblacion di Caribe Hulandes. Den sentido economico tur e tres islanan a keda hopi afecta. Sector turistico cu ta guia gran parti di e economia, a paralisa. Saba y St Eustatius ta seis luna caba isola di mundo pafo.
Pa e motibo aki, Gabinete Rutte a dicidi di prolonga e areglo di subsidio pa gastonan di salario y perdida di entrada cu nuebe luna.
E prolongacion di e pakete aki a bay riba peticion entre otro Secretario di Estado di Asuntonan Interno y Relacionnan di Reino hunto cu Ministernan di Asuntonan Economico, di Finanza y Secretario di Estado pa Asuntonan Social y Labor.

Related posts

Gobierno di Boneiro ta buscando solucion pa e rooinan den temporada di yobida

EA News Author

Pronóstiko di tempu pa Boneiru

EA News Author

Boneiro ta habri September cu 4 caso di Covid-19

EA News Author

Leave a Comment