Djárason mainta gezaghèber a demonstrá su gratitut na trahadónan di WEB ku a duna nan aporte na e operashon di reskate djaluna 28 di aprel den sentro di Kralendijk. E trahadónan a hunga un ròl esensial ora a hasi uso di un hoogwerker durante e akshon di reskate.
WEB a pone un hoogwerker disponibel, a usa esaki pa sostené e reskate. E trahadónan no a atendé ku ehekushon tékniko di e hoogwerker so, pero a yuda aktivamente tambe pa sigurá e situashon,
Banda di esei un di tres trahadó tabata pa kasualidat presente. Apesar ku e tabata liber, el a yuda e servisionan di ayudo i a informá nan lihé via meldkamer, esaki tabata importante pa por a kaba di atendé lihé ku e situashon.
Komo muestra di apresio pa nan aktuashon balente, e trahadónan a haña un pin di gezaghèber. El a enfatisá ku e reakshon rápido i profeshonal di e trahadónan ta un ehèmpel pa e kompromiso i kurashi ku ta karakterisá nos komunidat.
Gezaghèber a finalisá su bishita ku un gradisimentu personal na e trahadónan konserní i nan tim.
