Mr. Norberto V. Ribeiro, eks direktor di Departamentu di Legislashon i Asuntonan Hurídiko di Gobièrnu di Kòrsou (WJZ), a despedí resientemente di Gobièrnu di Kòrsou despues di mas ku 29 aña di servisio.
E ta bai kontinuá su karera komo dosente di Derechi Konstitushonal i Atministrativo na nos Universidat di Kòrsou Dr. Moises Frumencio da Costa Gomez (UoC ántes ‘UNA).
Mr. Ribeiro den pasado tabata Direktor di Korte Komun di Hustisia di eks Antia Ulandes i di Aruba, Minister di Hustisia di Antia Ulandes, Minister Plenipotensiario di Antia Ulandes na Washington D.C., Vise-Presidente di Parlamento Antiano i tambe Vise-Promé Minister di Pais Kòrsou.
Mr. Ribeiro ta kuminsá den e funshon nobo dia promé di sèptèmber 2022 i ta sigui e dosente saliente Mr. Ryçond Santos do Nascimento.