Infrastructura di Aruba su careteranan ta hopi importante pa Aruba tin un trafico sigur. Presidente di verenigingRijscholen Aruba (VRA) Thomas Ruiz ta duna di conoce cu tin hopi indicacion cu ta wordo uza porehempel e dientenan riba caminda no tin ley pe, e reflector dilanti di e polis drumi no ta regula den ley di Aruba. Lamentablemente tin hopi cu mester wordo regula y leynan mester wordo traha, pero pa añanan largo parlamento y gobierno ta na soño.
Segun Presidente di verenigingRijscholen Aruba (VRA) Thomas Ruiz te ainda e vehiculonan di motor te ainda no a wordo regula den ley, con por ta ? pero ta keda laga e artefactonan aki keda drenta y wordo uza riba careteranan di Aruba sabiendo cu ta trapa riba nos leynan, ta parce cu Aruba ta free for all.
Parlamento ta drumi añanan largo no a ni tuma e iniciativa pa traha riba un ley unda cu e comerciante mester atene na dje, esaki ta bon pa Aruba unda cu propio politiconan no ta funciona y para pa Aruba. Parlamento di Aruba pa añanan largo ta na soño y si algo mas grave pasa y mishi cu nos turismo, ken ta carga e consecuencia ?
Aki un biaha mas ta mira e modus operandus unda cu politiconan no ta pone Aruba como prioridad pero comerciantenan cu ta gana hopi placa y Aruba no ta haya su FAIR SHARE y Aruba ta keda perhudica. Te dia di awe e stepnan electronico ta coriendo sin number riba caretera publico y absolutamente nada parlamento gobierno a haci pa pais Aruba cobra su parti cu e stepnan aki ta core riba careteranan di Aruba y ta ganando placa aña aden , aña afo riba e Pais su cabes. Con por ta ?
Aruba tin 7 aña ta wardando riba un sistema di digitalisacion pa Rijbewijs na KPA “no tin maneho” Presidente di verenigingRijscholen Aruba (VRA) Thomas Ruiz ta indica cu pa loke ta trata handhaving no tin personal , pero tampoco no ta mira cu ta busca un solucion pa esaki. Segun presidente di VRA ta na altura di e te kort na personal pero nan ta haci nan best.
Sinembargo Presidente di verenigingRijscholen Aruba (VRA) Thomas Ruiz ta duna di conoce cu nan no ta pa critica so pero pa trece solucion tambe. Loke cu por ta un idea ta pa tuma e personal di Aruparking, city inspector y DTP y laganan haci e curso di Buitengewoon opsporings ambtenaar BOA y laga nan tin e autoridad pa atende trafico, esaki por ta di yudansa pa KPA. Tambe por bin cu un vrijwillige politie un sistema cu tin na Hulanda caba. Esaki ta parti di solucionnan cu por haci, pero verenigingRijscholen Aruba (VRA) tin mas cu 7 aña caba cu ta trece e preocupacionnan aki padilanti, a cuminsa for di minister Bikker y Tjon y te awe nada no a wordo haci.
Tambe e departamento di Rijbewijs ainda no a bira independiente manera cu e keda priminti den e gobernacion ultimo di minister Rocco Tjon. Sinembargo no a perde confiansa y tin hopi fe den e gobierno nobo y den e parlamento nobo cu nan si lo haci algo. Sinembargo loke cu ta un realidad mas cu 100 dia a pasa caba y te ainda no a tende nada ni di gobierno y tampoco di ningun parlamentario.
E gobierno di AVP –FUTURO no a yama verenigingRijscholen Aruba (VRA) manera cu a ser priminti y tampoco no a sinta cu ningun stakeholders. Actualmente miembronan di VRA ta hopi rabia cu e servicio cu tin na oficina di examen rijbewijs.
Aruba tin 7 aña ta wardando riba un sistema di digitalisacion di categoria D te dia di awe nada , dicon e no a wordo traha ainda ? tambe ta wardando riba e digitalisacion di e afspraaknan manera cu tin nan censo , si mester tuma e ehempel cu tin nan censo , e website cu tin na censo KPA mester a tuma esaki over mas cu 7 aña pasa, pero dicon no a haci esaki ? No tin un maneho structural y e ta bay ten koste di e servicio cu KPA mester duna.
E ultimo auto cu departamento di Rijbewijs tabatin cu nan ta uza pa pasa examen no tin mas, e problema a keda benta den scochi di esunnan cu ta duna les di Rijbewijs. Tambe loke ta di lamenta tabatin cambionan haci sin cu a consulta cu VRA pa e miembronan ta na altura , cambionan ta wordo haci sin consulta unda cu ta trece hopi problema y bruhacion na momento cu mester entrega documentonan. Decisionnan ta wordo tuma sin mira kico ta e consecuencianan.
Segun Presidente di verenigingRijscholen Aruba (VRA) Thomas Ruiz tin hopi trabou pa haci pero nos mester tuma e situacionnan aki na serio pa sinta dialoga y bin cu solucionnan practico pa resolve tur e problemanan aki. Sinembargo e berdad ta cu nos sa cu no por resolve e problemanan aki di awe pa mañan, pero un caminda mester cuminsa.
