Universidad di Aruba a nombra Sue-Ann Lee como e proximo Rector di Universidad di Aruba, efectivo 1 di juli, 2025. Un Arubiano, Sue-Ann Lee tin 19 luna ta comparti e funcion di Rector Interino y tin 3 aña como decano di e facultad “Hospitality and Tourism Management Studies” na Universidad di Aruba (UA). E la cuminsa su carera den turismo y mercadeo y despues di varios aña di experiencia a dicidi di drenta e sector di educacion como Lector Academico na UA. Cu su experticio den industria di turismo e la contribui pa varios aña na e educacion den e facultad y na 2022 a logra e posicion di Decano.
Den su tarea nobo como Rector, Sue-Ann Lee ta trese liderasgo, experiencia, y un pasion grandi pa avance den conocemento, inovacion y coneccion cu e comunidad. Su mision lo ta pa excelencia academico, crecemento inclusivo y pa fortifica e impacto di e Universidad localmente y globalmente.