Featured Policial

Hoben ta hoga den pool na un cas na Palm Beach


Awe mainta pa mas o menos 06.05 central di polis ta wordo informa cu un persona lo a haya problema den un pool na un cas na Palm Beach y no ta duna señal di bida.
Un rato despues melding ta drenta for di hospital cu a trece un mucha homber cu no ta duna señal di bida y cu aparentemente a hoga den un pool. Mesora Central ta despacha un patruya di polis pa hospital y aki 06.42 Dokter Kuip a constata morto di Daniel Perez-Cujia, naci na Aruba di 24 aña di edad.
Recherche di districto di Noord y Departamento Tecnico di Cuerpo Policial ( BFTO) tambe a presenta na hospital y tambe a bay na e cas na Palm Beach caminda cu e caso aki a sosode pa haci e interogacion y investigacion necesario.
Departamento di slachtofferhulp tambe a presenta na hospital na unda a brinda yudansa y sosten na e famia di e fayecido.
Cuerpo Policial ta manda palabra di condolencia na famia di e fayecido.

Related posts

Diputado Hennyson Thielman: Master plan di turismo na Boneiro ta cana segun mester ta

EA News Author

Parlamentario Gerlien Croes : Hof constitucional di Sint Maarten ta desenmascara Gobierno di Aruba

EA News Author

Nos grandinan den casnan di cuido tambe lo wordo vacuna conta COVID-19

EA News Author

Leave a Comment