Den un ambiente bishita pa famia y amigonan, e hoben Zendrick Lue a ricibi e bendicion di e Santo Sacramento di Prome Comunion den fin di siman, un momento di gran nificacion den su bida spiritual.
E ceremonia, caraterisa pa un atmosfera di debocion y alegria, a tuma luga na Kapel Juan Pablo II na Tanki Leendert. Zendrick, hunto cu un grupo di hoben, a drenta dilanti altar pa asina duna e paso importante aki, rondona pa e amor y sosten di su sernan keri.
Zendrick tin 11 aña di edad y ta alumno di Scol Bibito Pin. Su mayornan, famia y amigonan a expresa nan orguyo y a celebra e echo bunita aki biniendo hunto despues di e Santo Sacrificio di Misa.
Henter e comunidad, hunto cu su famia, ta desea Zendrick pa e bendicion di Dios reina semper rond di dje, guiando su pasonan den bida y den su futuro escolar.
