ORANJESTAD, Aruba
Awe mainta 14/02/2020 Corte di Husticia a trata caso penal contra Aurelio Dirksz. A acuse cu riba dia 23 di april a mata su ex pareha Natasha Kock door di choke te ora e no ta reacciona mas. El a bay na e cas pa reclama Natasha cu a gañe cu e no tin nada cu un homber cu el a mire cune. Ora Natasha a sigui nenga, a cuminsa pelea y el a gara Natasha na su garganta y no a lague los. Ni riba peticion di su yiu muhe di 9 aña kende para den porta di camber y a mira tur cos pasa. E no a yama polis ni ambulance despues di e sucedido. A pidi e yiu pa despues di 10 minuut yama e tanta y bise cu su mama a cay flauw. E actitud aki Fiscal a tume hopi na malo. Si e tabata algo cu e no kier a haci e mester a keda y bati alarma. Pero el a bay y laga e situacion den man di su yiu di apenas 9 aña.
Awe e acusado, segun Fiscak, ta haci mes masha inocente. Esaki mientras e yiu a declara cu tur dia tata ta menasa e mama. Bo yiu ta gaña, el a puntra e acusado. “Si,” tabata contesta di e tata acusado. Fiscal a rabia y a bise “Sea homber y para pa bo actonan. Fiscal na final a pidi un castigo di 14 aña incondicional ya cu pe a keda proba cu el a mata Natasha Kock, no premedita pero si intencional. Aki tres siman tin sentencia di e caso
