Diputado James Kroon durante e siman akí a sera konosí ku John Kessel. John Kessel ta coach di nivel 4 di e federashon internashonal di vòlibòl FIVB ku na aña 2020 a hiba e tim di dama di Merka weganan olímpiko na Tokio kaminda nan a gana medaya di oro. Bonairiaanse Volleybal Bond BoVoBo pa medio di su direktiva a logra kualifiká pa e programa di HUB di FIVB pa asina John Kessel ta na Boneiru pa yuda ku e desaroyonan di vòlibòl den luna di aprel, mei i novèmber 2022. Diputado Kroon a trese dilanti ku su persona ta sumamente kontentu ku e perseveransia i motivashon ku e direktiva di BoVoBo a bin ta ehersé durante e último añanan. Finalmente diputado Kroon a yama John Kessel bon biní na nos isla i a deseá e coach i direktiva di BoVoBo éksito den e lunanan ku e ta na Boneiru.
John Kessel a sera konosí ku diputado di deporte James Kroon
