Firmamentu di un akuerdo di kolaborashon i merkadeo konhunto
Ku orguyo Tourism Corporation Bonaire (TCB) ta anunsiá su akuerdo di kolaborashon i merkadeo riba término largu ku e artista lokal i e strea internashonal ku ta subiendo Luigino Molina, mihó konosí komo Luis Moka.
Riba djamars 4 di aprel 2022 TCB a firma e akuerdo di kolaborashon ku e artista lokal Luis Moka i mesora a rekonosé tambe komo un Embahador di Boneiru. E akuerdo ku nan a firma ta un kolaborashon duradero riba término largu ku komo meta pa promové nos isla Boneiru pa medio di músika i nos tradishonnan lokal kultural.
Ditektor Miles Mercera di TCB a deklará: ‘Nos ta rekonosé su tremendo talento i personalidat. Personalmente mi ta konsider’é komo un strea hóben i talentoso ku ta subiendo. Mester selebrá e dedikashon i esfuersonan di Luis Moka pa mantené nos tradishonnan lokal bibu pa medio di músika. TCB ta rekonosé su esfuersonan pa kompartí nos patrimonio lokal i nos músika i manera di biba krioyo ku mundu i promov’é esakinan. Na e momentu akí TCB ta trahando riba un proyekto nobo di ‘rebranding’ bou di e título “Reposishonamentu di Boneiru den harmonia ku nos naturalesa i nos hendenan”, kaminda nos músika i tradishonnan kultural ta hunga un ròl klave den nos esfuersonan pa loke ta trata komunikashon.’
Luis Moka a bisa: ‘Mi ta sinti mi honrá i emoshoná i mi ta kla pa sigui promové nos músika, baile i ritmo lokal. Di Rincon pa mundu.’
