KRALENDIJK, Bonaire
Etienne van der Horst ta stòp entrante promé di ougùstùs komo direktor interino di Direktorado R&O i regresá Kòrsou unda e ta akseptá un reto nobo.
For di su nombramentu na R&O, Van der Horst a tuma e inisiativa pa atendé ku un kantidat grandi di dosié, a pone nan den moveshon i finalisá hopi di nan tambe. Na momentu ku el a kuminsá traha, el a inisiá un proseso di profeshonalisashon ku tabata dirigí tambe na garantisá funshonamentu íntegro di e departamentu. Kon amplio su tereno di trabou tabata, ta resultá for di djis un par di ehèmpel di kasonan ku entre otro danki na su esfuersonan a realisá: modernisashon di maneho di tereno, pone den moveshon ehekushon di mantenshon di kaminda, medidanan pa promoshon di siguridat den tráfiko, lantamentu di komishon di hür, e plan insular di naturalesa i profeshonalisashon di e servisio di LVV.
Promé di sèptèmber próksimo, e direktor nobo di R&O ta asumí su funshon. Kolegio Ehekutivo mientrastantu a bai di akuerdo ku esaki en espera di e aprobashon final.
Kolegio Ehekutivo ta gradesí Etienne van der Horst pa su trabounan pa Boneiru.