BonaireInternacional

Koperashon den kadena di imigrashón na Hulanda Karibense a mehorá

Rr

Sinembargo aserkamentu di tráfiko humano i transporte ilegal di hende ainda no ta sufisiente

E Konseho a investigá  kon a kumpli último añanan ku su rekomendashonnan for di e rapòrtnan ‘Maneho di imigrashon (2017) i ‘aserkamentu di tráfiko humano i transporte ilegal di hende’ (2019)  E Konseho ta konkluí ku for di 2017 koperashon den kadena di imigrashon na Hulanda Karibense a mehorá.

E kordinadó di kadena nombrá na 2021 a hunga un papel importante den esei.  Sinembargo aserkamentu di tráfiko humano i transporte ilegal di hende riba algun punto ainda no ta sufisiente: a kumpli ku solamente un di e ocho rekomendashonnan di 2019.

Rekomendashonnan nobo

E Konseho ta duna minister hulandes di Hustisia i Seguridat ocho rekomendashon nobo.  Esaki ta inkluí entre otro mehorashon nesesario di e registro di tema i mehorashon di guia di parti di ministerio di Hustisia i Seguridat i KPCN. E minister a manda e rapòrt di e Konseho akompañá ku su reakshon riba esaki pa Parlamento Hulandes.

E rapòrt di inspekshón di e Konseho ta públiko. Ta publiká e rapòrt riba e wèpsait di e Konseho: www.raadrechtshandhaving.com.

E Konseho a pidi e minister di JenV pa despues di seis luna despues di publikashon di e rapòrt di inspekshon pa traha un informe tokante e situashon konkreto (progreso) di kumplimentu ku e rekomendashonnan nobo.

Registro di tema di tráfiko humano i transporte ilegal di hende

Den un registro di tema di tráfiko humano i transporte ilegal di hende por rekopilá i analisá señalnan di partnernan den kadena. E meta ta pa generá bista riba índole i embergadura di tráfiko humano i transporte ilegal di hende na Boneiru, Sint Eustatius i Saba. Kuerpo Polisial Hulanda Karibense (KPCN) ta responsabel pa maneho di esaki. Ta parse ku meskos ku na 2019 ku e registro ei ainda no ta funshoná adekuadamente. Pa loke ta trata KPCN e Konseho ta konstatá dos punto problemátiko.  Na promé lugá, ainda disiplina pa registrá ta keda un punto di gran preokupashon. I na di dos lugá, internamante serka Kuerpo Polisial falta konsientisashon, loke ta hasi ku nan no ta rekonosé señalnan di tráfiko humano i transporte ilegal di hende i tampoko no ta registrá nan. P’esei víktimanan (potensial) di e delitonan grave aki no ta sufisientemente indentifiká. E Konseho ta konsiderá esaki komo un rísiko. KPCN i otro partnernan den kadena enbolbí no a realisá e evaluashonnan tokante resultadonan di prosesamentu di tema ku minister a primintí. Falta guia riba esaki di parti di tantu maneho di kuerpo komo ministerio di JenV.

Falta di guia

Falta tambe guia nesesario riba kumplimentu ku e rekomendashonnan di parti di ministerio di Hustisia i Seguridat i Kuerpo Polisial Hulanda Karibense. Importante ta ku ministerio di JenV i e organisashonnan di ehekushon di awor pa dilanti ta guia ku mas énfasis riba resultadonan konkreto. Den e investigashonnan di e Konseho, falta di guia ta indiká di ta un problema rekurente i persistente.

Wak por ehèmpel ‘Staat van de rechtshandhaving over 2022’: raadrechtshandhaving.com/wp-content/uploads/2023/05/Staatvanderechtshandhaving20222023RvdRH_def.pdf

Ekipashon di Kmar na Hulanda Karibense  ta un punto problemátiko

Koninklijke Marechaussee (KMar) ta indiká di ta disponé di insufisiente kapasidat pa ehekutá su tareanan legal riba tereno di vigilansia di frontera i vigilansia di inmigrashon na Boneiru, Sint Eustatius i Saba. Te ku awor falta medionan finasiero pa realisá e ampliashon argumentá pa KMar na Hulanda Karibense. Sinembargo e Konseho a konstatá ku kapasidat di Kmar na Kòrsou, Aruba i Sint Maarten si ta amplio.

Na opinion di e Konseho, minister di Hustisia i Seguridat mester atendé e petishon di ampliashon di KMar na Boneiru, Sint Eustatius i Saba tambe ku e prioridat nesesario.

Related posts

Tourism Corporation Bonaire a hasi trabou di boluntario durante BON DOET

EA News Author

Diferente cancionnan di conseho traha dor di ciudadanonan rond mundo pa manda e mensahe pa keda cas

EA News Author

Grupo di diálogo Boneiru ta entregá relato tokante herensia di sklabitut

EA News Author

Leave a Comment

Whatsapp Message