Awe mainta abogado di e politico Mike de Meza señora desiree Croes ta indica cu den oranan di mainta mester a haci entrega di e kortgeding pero no a haci esaki ainda mirando cu e drenta algun prueba mas y mester bay atende esaki pa e bay hunto den e caso. Sinembargo lo traha riba e prueba nobo nan aki y lo haci entrega di e kortgeding den oranan di atardi. Abogado desiree Croes ta sduna di conoce cu a haya un detaya mas cu ta interesante pa bay den e caso. Segun abogado desiree Croes e caso aki ta draai rond di dunamento of no dunamento die “Fiscal Gedrag “ na Sr Mike de Meza. Un Fiscal gedrag ta un di e exigencianan cu mester duna pa por bira minister y banda di esaki tin mas porehempel investigacion di MOD,investigacion di husticia, famia ext ext. Tur e otro investigacionnan riba Mike de Meza a Sali bon pero loke cu e keda colga ta e echo cu no a duna Mike de Meza e fiscal Gedrag. Segun Abogado Desiree Croes e ley no ta papia di un fiscal gedrag pero ta papia di un algemeneoordeel over di su fiscal gedrag. Aki ta caminda cu ta di opinion cu inspecteur a bay un poco mas leu cu e ley ta papia di dje, pesey mes ta bisa cu e fiscalgedrag mester wordo entrega na tur hende sea cu bo ta bira minister of no.
Abogado Desiree Croes ta indica cu a pidi los di e echo cu kier bira minister e resultado di e fiscal gedrag y esaki a keda nenga den varios ocasion y te cu na final na e momentonan aki no tin ningun motibo pa nenge. Mester bisa cu hasta den un di e contestanan di DIMP duna door di inspector mes ta indica cu de Meza no tin ningun debe mas. Pa e motibo aki mes a haya hopi straño cu di un of otro manera ta duna un impresion cu a condena Mike de Meza na cuminsamento y ta parce cu no kier draai esaki bek. Pa e motibonan aki a tuma e decision di bay corte y entama un kortgeding.