Awe mainta trahadonan di fundacion S.A.B.A a presenta na bustuurskantoor pa mustra nan malcontento di loke ta pasando na S.A.B.A. Sindicato SEPPA ta representa e trahadonan di e fundacion y conhuntamente nan a presenta na bestuurskantoor. Minister Ursel Arends ta e mandatario encarga cu e maneho di fundacion S.A.B.A y a sali pafo pa asina scucha e preocupacionnan y deseo di e trahadonan di fundacion S.A.B.A.
Magaly Britto di sindicato SEPPA a trece padilanti cu den e ultimo lunanan tin un situacion hopi alarmante den prensa entre fundacion SABA y Gobierno di Aruba. Cada un di e partidonan ta argumenta nan posicion cada uno cu su rason si of no, pero fundacion S.A.B.A ta kere cu ta e momento cu partidonan por fia cabes y sinta na mesa y habri e caminda pa dialogo pa yega na solucionnan. Trahadonan di S.A.B.A ta memey di tur e discusionnan aki, pero na final tin un punto cu ta hopi importante y un di nan ta e tema di recht trekking di cual pa hopi tempo ta exigiendo pago pa esaki y no tin claridad mientras cu a duna Minister Arends tur tempo y espacio pa por a haci un investigacion na e fundacion pa wak si berdad e placa a bay pa S.A.B.A of sit a gobierno debe e trahadonan aki ainda.
Segun sindicato SEPPA Magaly Britto tambe a tuma nota cu minister nan anterior unda cu nan tambe a bisa cu nan tambe a pasa den e problemanan aki y nan tambe no tin claridad riba esaki y cu nan ta sostene e pensamento di minister Ursell Arends pa tin un claridad y pa drecha e asunto cu ta pega pa basta tempo caba.
Na mes un momento trahadonan di S.A.B.A ta kere cu cualkier fundacion of cualkier instancia cu ta ricibi placa di pueblo mester por responsabilisa nan mes na un manera corecto y transparente con e placanan ta wordo uza y si e ta wordo destina realmente pa unda e placa a bay.
Ta para pa reglanan y tambe a tuma nota di diferente rapportnan y cu ta cu dialogo so por discuti e puntonan si tin rason si of no. Pa e motibo aki mas e trahadonan hunto cu sindicato SEPPA a dicidi di traha un carta y vocifera nan punto di bista y consideracion nan y peticionnan cu ta ser pidi pa dialogo pa trece solucionnan pa fundacion S.A.B.A.
Tambe ta spera cu por haya contesta di e carta cu a ser entrega mirando cu no ta prome carta cu a entrega un carta y no a haya contesta. Tambe a entrega un carta na gobernador di Aruba caba unda cu ta kere ta necesario pa para e discusionnan cu tin den prensa di ambos partido y pa sinta na mesa pa yega na solucionnan pa maneho di nos grandi nan.
Tambe e trahadonan a entrega un carta na hunta di supervision di S.A.B.A padilanti unda cu tin diferente preocupacionnan na pia di trabao mustrando cu no tin confiansa tampoco na locual cu ta wordo haci na e maneho y a trata e trahado nan y sindicato na e manera masha mahos cu mester a entrega e carta unda cu mester a drenta na un porta cu si tabata transparente tabata facil pa yega y entrega un carta, pero ta un lastima di e manera cu e la bay no tabata esun corecto, segun Magaly Britto di SEPPA
Finalmente e carta no a yega den man di e hunta di comisario pero a drenta via di un persona cu no sa tampoco si e ta den e management team y no conoce tampoco den management team y e ora ey ta un lastima cu e cosnan ta bay den e forma aki. Si minister tuma nota cu algo no ta bay bon y si ta necesario tuma medidanan pa salvaguardia pa tin respet pa nos reglanan y e manera cu e placa di pueblo mester keda atendi cu ne, ta pidi pa atende cu ne na e moho manera cu tin, pero pa finalmente cu mañan pais Aruba, nos grandi nan nos tur por conta cu un bon maneho di cuido pa nos grandi nan.
1 comment
[…] Source link […]