Despues di goberná 3 aña i mei, partidonan MFK i PNP mester pone nan gobernashon na
huisio di e pueblo. En bès di esaki nan ke krea un persepshon manera no ta nan ta
responsabel pa e debaklenan rondó di refineria, CMC i eksonerashon di 3000 mion florin di
debe di nan kompinchinan.
Partido MAN-PIN ta notá un informashon eróneo ku ta sirkulá, esta ku MAN-PIN lo a forma
parti di e proseso aktual pa duna sosten di mayoria gabinete Pisas II òf nèt kontralí pa traha
un koalishon sin MFK.
MAN-PIN ta deklará enfátikamente ku e 2 asientonan di partido MAN den parlamento
ningun momento so a reuní ni ku MFK, ni ku PNP, ni ku niun otro partido polítiko pa duna
sosten na ningun gobièrnu. Ku otro palabra, MAN-PIN ta di opinion ku bou e
sirkunstansianan aktual e gobernashon MFK i PNP mester keda husgá pa pueblo. MAN-PIN
no ta interesá pa kamuflá e mal gobernashon di MFK PNP dor di partisipá den gobernashon
pa e 6 luna di tempu ku falta di e aktual periodo MFK PNP, kamuflá awor pa un gobièrnu
MFK, KEM i Zita.
Organisashonnan polítiko MAN i PIN a uni ku e meta pa partisipá ku un solo lista na
próksimo elekshon ku ta tuma lugá na mart 2025. MAN-PIN su enfoké ta pa prepará pa
elekshon kaminda nos lo ofresé pueblo plannan konkreto pa desaroyo i adelanto pa tur
MAN-PIN no ta partisipá den bòmboshi ni di MFK, NI DI PNP
