PoliticaFeatured

Manifestacion Cultural y Acto Protocolar lo wordo celebra den su forma tradicional riba plaza na honor di nos Libertador Betico Croes

Acto Protocolar Dia Di Betico

Comision Celebracion Dianan Nacional ta informa:

Pueblo di Aruba ta ser invita pa asisti

Comision Celebracion Dianan Nacional conhuntamente cu Ministerio di Cultura ta organisa un biaha mas e manifestacion cultural y ceremonia protocolar riba plaza Libertador Betico Croes enconexion cu Dia di Betico. 

Manifestacion cultural ta tuma luga 24 di januari, for di 6 or di atardi, lo tin benta di cuminda, cos dushi y artesania local cu animacion di caha di orgel ‘Olga’ y Tipico Brindis. Pueblo ta wordo invita pa asisti.

Pa 8 or di anochi e programa oficial ta cuminsa hunto cu presencia di nos mandatario- y invitadonan. Lo tin discurso di Minister di Cultura, poesia, baile y  un concierto cu nos artistanan local bou encargo di e maestro Raul Piar. E anochi ta clausura cu presentacion di nos gran yiu di tera y musico internacional Robert Jeand’or y su Solo banda Show.

Diaranzon 25 di januari nos comunidad ta keda invita un biaha mas riba plaza Libertador Betico Croes pa e ceremonia protocolar cu discurso di Prome Minister, declamacion di poesia, canto di e grupo di koor Muchanan Sabi bao direccion di Edseline Figaroa y acompaña pa un grupo di musico guia pa e maestro Raul Piar. E Ceremonia protocolar ta cuminsa pa 9 or di mainta.

Den nomber di CCDN y Minister di Finansa y Cultura, Xiomara Maduro ta desea nos comunidad un Feliz Dia di Betico

Betico, danki pa stima nos pais.

Manifestacion Cultural Dia Di Betico

Related posts

Sifra Covid-19 na Boneiru

EA News Author

British Airways lo bula pa Aruba entrante 2023

EA News Author

Kortgeding di Rene Bernebela contra sindicato TOPA no a tuma luga

EA News Author

Leave a Comment

Whatsapp Message