Con por ta posibel cu un mucha homber di 5 aña ta luchando pa subidana Bogota, Colombia, door di negligencia y falta di responsabilidad y autoridad di un doño di centro di cuido, gobierno y tur instancia concerni? Noticia a plama y tur hende hostina, asombra y decepciona, cu un biaha mas, bida di un criatura ta na peliger, despues di a corda riba e criaturalaga den auto di transporte pa varios ora, den un estado critico y den coma.
E caso aki no ta djis un “ incidente tristo” so. E ta un alarma brutal cu ta splica cu claridad: ora cu cuido di mucha ta crece manera negoshi y oportunidad facil sin control real, nos muchanan ta paga e prijs. Sinembargo a lanta un departamento di di mucha di hoben pa exactamente controla y guia e scolnan aki, pero lamentablemente Minister Gerlien Croes cometiendo un otro blunder atrobe den e prome luna como minister a cera e centro di hoben y mucha , pa kico realmente ? politica? Ken ta carga e consecuancia ?
Y ora gobierno ta papia di ceramento of adaptacion di Departamento di Mucha y Hoben, e mesun departamento cu a crea pa implementa e Landsverordening Kinderopvang (AB 2017 no. 38) y cumpli cu e Tratado di Derecho di Mucha, e pregunta ta duro, pero necesario: Kico exactamente nos ta “protega” ora nos ta kita e unico structura cu su meta fundamental tabata pa crea control y supervision despues di mas di 30 aña cu Aruba ta purbando pa implementa e ley di centro di cuido y cu ta e unico pais den region cu ainda no tin e ley aki den funcion?
E frase asina tanto uza pa e centronan di cuido“traha cu amor”,no ta un criterio midibel di calidad. Amor no ta subtitui licencia, training, supervision, protocol, ni sanccion. Un mucha no ta muri of keda den coma,pasobra falta di amor den e centro di cuido; nan keda den peliger pasobra tin falta di un sistema solido y legal.
Departamento di Mucha y Hoben (DMH) a wordo lanta no pa ta djis un “otro oficina.” DMH a wordo instala officialmente desde 1 october 2022 hustamente, pasobra Aruba mester cumpli cu e Tratado di Derecho di Mucha y pa por pone orden den e sector di centro di cuido di mucha: registro nacional, vergunning, toezicht, control y desaroyo di maneho y programa.
E mandato di DMH tabata cla: tene administracion y registracion di pais, duna permiso, haci toezicht y handhaving, y yega cu programa y guia pa fortifica calidad y proteccion di mucha.
Pero mira con e realidat a wordo sabotea: den un carta oficial di 2025, DMH mes a alerta cu implementacion completo di e ley tabata topa cu ‘knelpunten’ cu no ta “culpa di veld” so, pero tambe di falta di e decisionnan y accion ministerial cu no a wordo finalisa: nombracion di director oficialmente, ministeriële regelingnan pendiente (aanvraag formulier/handleiding kwaliteitseisen), falta di personal competente pa toezicht y obstaculo legal pa vergunning verlening.
Dus ora un minister ta anuncia ceramento di DMH, pregunta ta: ta DMH a faya, of e sistema politico no a duna DMH e hermentnan necesario pa cumpli cu sumandato? Pasobra si bo no nombra liderazgo, no finalisa reglamento, no forma toezichthouders, y no active handhaving… bo no por despues uza e consecuencia como excusa pa “cera e departamento.”
E caso di e mucha den van ta mustra e peligro di un sector cu ta “popping up like crazy” sin ehecucion di ley real. Transporte di mucha ta un riesgo halto: mester tin protocol obligatorio (checklist, headcount, sign-in/out, verificacion di stoel patras, “two-adult check”, tempo y logging y responsabilidad penal/administrativo). Si un centro no por cumpli, e no mester opera…PUNTO!. Amor no ta reemplasa control.
E pregunta cu ta keda riba mesa, pa e minister y pa gobierno: cuantu caso mas di negligence nos mester mira prome cu nos tin e durf real pa implementa e ley cu “forsatotal”?
Un mucha di 5 aña ta den coma y Aruba ta rezando awor pa un milager. Aruba ta siguia tende su muchanan sin toezicht, sin vergunning, sin inspeccion, sin ehecucion y sin sancion y lo sigui pidi pa un milager, ya cu nos no kier evita otro tragedia, sino djis keda pensa, cu e cosnan aki no ta pasa toch.
Si gobierno no por protégé esunnan mas chikito y vunerabel, gobierno ta faya den su obligacion mas sagrado. Nos no mester un otro “commissie” atrobe; nos mester accion awor. Pasobra e proximo mucha lubida den un auto, e proximo mucha den coma, e proximo buelo di emergencia pa Colombia… no mester ta normal y aceptabel mas.