SocialFeatured

#MiMundoNobo den wowo di nos hobennan

Gobieno Di Aruba Mijn Nieuwe Wereld 3

Recientemente a tuma luga na nivel di Reino un iniciativa a base di un expresion di  Minister President di Hulanda, Sr. Mark Rutte, kende a vocifera cu ta su opinion cu Gobiernonan di tur e paisnan den Reino mester scucha mas e bos y opinion di hobennan di nan respectivo paisnan.

Esaki a haci cu UNICEF Hulanda a crea e proyecto #MyNewWorld, #MiMundoNobo. A organisa #MiMundoNobo na Hulanda, Corsou, Boneiro, St. Maarten, St. Eustatius, Saba y Aruba. Y na Aruba, Unicef Hulanda a acerca Fundacion Telefon pa Hubentud pa presidi y realisa e proyecto aki.

#MiMundoNobo a inicia riba 17 di october ultimo. Na Aruba a selecta 8 hoben di entre 14 pa 18 aña cu ta bishita scol secundario pa participa den e proyecto aki. Ta trata di 4 hoben masculino y 4 femenino. Nan ta bin di diferente districto di Aruba y for di  diferente etnicidad. E hobenan cu a duna nan aporte na #MiMundoNobo ta: Ariany de Weever, Daniel Jones, Giovanna Carisal, Loui-Angelo Bislick, Jean Croes, Jordan Peterson, Shaneidee Rosaria y Sherona Manuela.

Primeramente e hobennan a bin hunto riba 17 di october pa combersa tocante e retonan cu den nan opinion Aruba ta enfrentando.

Despues riba 24 di october nan a delibera riba posibel solucionnan pa e retonan cu nan ta mira.

Despues e hobennan a ricibi training di debate como preparacion pa un debate contra hobenan di Boneiro y Corsou. Riba 20 di november, dia Nacional y Internacional di Derecho di Mucha, e hobennan a debati virtualmente for di e studio di Telearuba contra hobenan di nos islanan ruman tocante diferente ponencia.

Gobieno Di Aruba Mijn Nieuwe Wereld 1Gobieno Di Aruba Mijn Nieuwe Wereld 2Gobieno Di Aruba Mijn Nieuwe Wereld 3Gobieno Di Aruba Mijn Nieuwe Wereld 4Gobieno Di Aruba Mijn Nieuwe Wereld 5Gobieno Di Aruba Mijn Nieuwe Wereld 6Gobieno Di Aruba Mijn Nieuwe Wereld 7

Related posts

Inicio oficial di Siman di Lantamento di Mucha

EA News Author

Ley di Sclavitud y Racismo den cushina den man di diferente Hues nan y abogado pa wordo traha direccion pa islanan den Caribe

EA News Author

Mas di mil pensionado di Aruba cu ta cobra via SVB Corsou ta pasando dolor di cabes cu nan placa

EA News Author

Leave a Comment

Whatsapp Message