Politica

Minister Dangui Oduber indigna cu articulo insinuante di periodista


ORANJESTAD,Aruba

Minister di Salubridad Publico Dangui Oduber no ta contento cu un publicacion di Caribisch Netwerk, cual tabata un entrevista haci door di e periodista Sharina Henriquez. A manda un carta pa sra. Henriquez via di email den cual ta splica detayadamente di con su publicacion no ta corecto.

Ta trata di e articulo den cual ta bisa cu Aruba, Corsou y Sint Maarten ta pio prepara pa yegada di coronavirus.

Loke e mandatario ta cuestiona e tono di insinuacion den e articulo. Asina por ehempel e ta bisa cu e articulo ta insinua cu debi na e hecho cu no a introduci ainda Landsverordening Infectieziekten, ta haci cu no tin reglanan necesario pa evita plamamento di malesanan contagioso manera Covid-19.

Tres cosnan cu e mandatario ta haya cu Henriquez ta insinua den su articulo ta cu no tin un Protocol pa dokternan di cas sigui, cu Aruba no tin un Epidemiologo, y cu e islanan menciona no lo por atende riba nan mes y di e forma corecto cu un epidemia di un malesa contagioso. Pero tambe ta insinua cu tur e testnan di coronavirus mester wordo manda pa un di dos opinion na RIVM (Hulanda).

E mandatario ta lamenta cu Henriquez y e website ta causa panico innecesario y ta mina e confiansa cu e pueblo tin pa e preparacion di Aruba pa atende cu e virus. Loke e mandatario ta conclui ta cu a publica cosnan cu no ta berdad y a saca e declaracionnan for di nan contexto.

Ta parce cu Henriquez a entrevista dr. Van Trigjt, kende no ta reconoce su declaracion den loke a keda publico y a informa e periodista di esaki. Pero tambe e dokter a inform’e cu debidamente ta existi un Protocol y hasta a dun’e algun informacion riba esaki, Pues ta completamente incorecto cu dokternan di cas no tin un sistema fiho pa actua den casonan asina.

Pa loke ta e Epidemiologo, tin uno na disposicion di e tres islanan, y e ta den contacto diario cu e tres departamentonan di malesanan contagioso y e coordinador local ta sra. Sharina Koolman.

Tin reglanan con pa atende cu malesanan contagioso y director di Departamento Huridico a bisa cu mester haci algun adaptacion den e ley, pero ta cosnan chikito y cu por wordo haci rapidamente. Y e hecho cu Aruba no tin experencia tampoco e mandatario ta haya ta na su luga.

Basa riba tur esey, ta pidi pa rectifica e articulo.

Related posts

Nos mester realisa cu gobierno anterior a crea un debe cu a crea problema social y economico pa nos PAIS

EA News Author

Minister Dangui Oduber: AHATA tambe a join e registracion di vacuna

EA News Author

Habriendo un caminda nobo, cu oportunidadnan nobo pa tuma Accion

EA News Author

Leave a Comment