KRALENDIJK, Bonaire
BWM riba enkargo di Entidat Públiko Boneiru a kuminsá drecha e krusada Hanchi Amboina i Kaya Nikiboko Nort. Trabounan lo tuma lugá pa mas o ménos 2 siman. Djamars den oranan di mainta a kuminsá ku e trabounan di reparashon aki. Entidat Públiko Boneiru ta pidi outomobilistanan pa tene kuenta ku e trabounan ku ta tumando lugá i baha velosidat pa asina por tin un tráfiko sigur pa nos tur.
