CuracaoPoliticaFeatured

Minister di finansa ta mal informá i manipulá informashon ke la duna kontreria general (ARC)

Ma Pin

Den su Komunikado di Prensa di 12 di mei 2024, minister di finansas, sr. Javier Silvania, a
duna bista di sigur dos mal informashon ku el a duna Kontroleria General. E minister di
finansa ta bisa literalmente den e komunikado menshoná:
(prinsipio teksto di minister) “E kantidat di 668,1 mion florin na
‘rechtmatigheidsafwijkingen’, ta enserá:
1. E falta di un kontrato di fiansa di e pago di Pais riba HNO Vastgoed pa 393,1 mion florin.
2. E falta di un outorisashon pa dekreto nashonal pa e fiansa entre Gobièrnu, CBCS i Giro
pa e montante di 275,0 mion florin. (fin di teksto di minister)

Nos ta ban punto pa punto:
Punto 1: Relashon financiero HNO Vastgoed i Gobièrnu pa 393,1 mion florin
Niun ora so, pais a fia HNO Vastgoed sèn, kemen no por eksistí un akuerdo di fiansa di pago
entre HNO Vastgoed i Pais (Gobièrnu). Minister di Finansas Silvania, a mal informá
Kontroleria General (ARC), komo sifuera pais a fiá HNO Vastgoed sèn. E realidat ta, ku pais a
duna HNO Vastgoed un tereno den erfpacht i riba e tereno ei tin un edifisio, esta e hospital
(CMC). Pa e motibu aki HNO Vastgoed ta paga un kompensashon manera stipulá den
artikulo 5:99 insiso 1 BW igual na balor di e edifisio. Mester bisa ku ta un konsehero direkto
di minister Silvania ta ken ku a traha he nter e kalkulashon di e suma ku HNO Vastgoed
mester kompensá gobièrnu!
Un ehèmpel: Si Wanchó haña un tereno na erpacht riba kua Yèyè a traha un kas, Yèyè no ta
fiá Wancho sèn, ma si ta asina ku Wancho tin di paga Yèyè e balor di e kas. Komo e kas ta
kosta hopi sèn, Wancho ta palabra ku Yèyè, ku e traha un “Akte van Schuldbekentenis´(un
akta ku ta rekonosé un obligashon di pago) i nan ta traha un skèma di pago kua suma
Wancho ta paga pa luna durante kuantu aña.
Ta bon pa nos realisá ku awe nos tin un hospital CMC moderno ku nos tur por ta orguyoso di
dje.

Punto 2: Outorisashon pa dekreto nashonal pa e fiansa entre Gobièrnu, CBCS i Giro pa e
montante di 275,0 mion florin
Minister Gijsbertha tabata debidamente apoderá por medio di un dekreto gubernamental
(landsbesluit), firma pa gobernador, pa firma e akuerdo ku Gi-Ro Settlement Holding.
Ta bon pa nos realisá ku awe a paga mayoría di spardó i doñonan di kuenta na Girobank nan
sèn i ku ta kobrando esnan ku debe ku eksitó.
Roadmap pa pone atministrashon di gobièrnu na òrdu.
Nos ta mustra tambe riba e hecho ku ta sr. Kenneth Gijsbertha, èks-minister di finansas, a
formulá e Roadmap pa na 2026 e kuentanan anual di gobièrnu tan a òrdu, pero ku ta
minister Silvania a laga kos pega, manera tantu Kontroleria General (ARC) komo Komishon di
Supervishon Finnansiero (CFT) a konstatá!

Konklushon
Minister di Finansa a mal informá Kontroleria General (ARC) pasombra:
1. HNO Vastgoed ta paga un kompensashon (“vergoeding”) pa e edificio di hospital
i no a haña ningun fiansa serka gobièrnu, mientra e relashon ta formalisá den un
“Akte van Schuldbekentenis”.
2. Minister di finansas Gijsbertha tabata debidamente apoderá pa firma e akuerdo
ku Gi-Ro Settlement Holding.

Related posts

John Every a bay sosega :Un Arubiano cu a comberti petroleo den carbon

EA News Author

SVb ta sigui progresa: Aruba ta conta cu tres deurwaarder mas

EA News Author

Corte a rechasa peticion di reconteo di voto

EA News Author

Leave a Comment

Whatsapp Message