Featured Politica

Minister Geoffrey Wever: App “Control di Prijs” ta obtenibel pa yuda e consumidor


Minister di Asuntonan Economico, Comunicacion y Desaroyo Sostenibel, mr. Geoffrey Wever, ta informa cu e app “Control di Prijs” ta disponibel pa un y tur. 

E app “Control di Prijs” ta duna e consumidor durante cu e ta haci compras e chens di controla via e app si e prijs di e producto – cu ta cai den canasta basico – ta conforme ley. Si e prijs ta mas halto cu e prijs indica den e app control di prijs, e consumidor por reporta esaki na e comerciante pasobra ta prohibi cobra un prijs mas halto cu esun indica riba e app. E comerciante tambe por haci uzo di e app pa controla si e prijs cu e la pone riba e producto ta conforme ley. 

Pa e lista di tur productonan di cual e prijs ta wordo determina door di gobierno por download e app “Control di Prijs” of bishita e website www.deaci.aw

E app “Control di Prijs” tambe ta inclui e “Macuto di Compras”. E consumidor por uza e app “Macuto di Compras” pa haci comparacion di prijs di cierto productonan na diferente supermercado y minimarket.

E consumidor ta wordo invita pa hasi uso di e app “Control di Prijs”. Esaki ta disponibel via App Store y Google Play. 

Related posts

Colecta, Conoce y conserva documentonan historico ta importante pa nos siguiente generacion

EA News Author

Director di Elmar Anthony Irausquin : Aruba tin hopi biento pero tin problema cu espacio

EA News Author

Sr Thom de Graaf ex-mandatario di Hulanda: Pais Aruba por ta orguyoso di locual ela logra realisa ultimo 35 aña

EA News Author

Leave a Comment