Parlamentario Xiomara Maduro ta indica cu minister di finansas Geoffrey Wever ta indica cu e gobierno saliente a pone placa pa FCCA y tambe e rebaho di loonbelasting y cu no a hinca esaki den presupuesto 2025,pero a hinca esaki despues pa locual ta trata nota di cambionan.
Sinembargo parlamentario Xiomara Maduro ta lamenta cu ainda Minister Geoffrey Wever ta un nobato den politica y no sa cu na momento cu bo ta den un aña di eleccion e presupuesto cu bo ta trata ta “ Beleidsarm “ pues bo no ta hinca maneho nan nobo den e presupuesto y ta pesey mes a pone e placa di FCCA y na caminda debi cu tabata haci e investigacionnan caba y puntonan cu a bay diacuerdo cu ne caba den minister raad loke ta FCCA , Loonbelasting tur esaki nan a keda aproba den e mes un minister raad cu minister Geoffrey Wever a keda sinta den dje na momento cu e la traiciona su partido RAIZ cu a dune e stoel pa por ta un minister,y asina sinta den Minister Raad ta saca informacion y traha su plan pa e partido FUTURO cu e la bandona su partido pe cu a dune e stoel como minister.
Minister Geoffrey Wever tabata bon na altura cu Aruba lo haya su fondonan pa FCCA y cu nan ta bay ta structural y ta pa e motibo aki mes ta traha cu nota di cambio.
Sinembargo parlamentario Xiomara Maduro ta indica cu un minister ta traha cu un “ Beleidsarm “ ora cu bo tin fatsun politico, y na momento cu bo no ta conoce kico esey ta e minister ta expone su mes di bisa cosnan cu no ta cuadra pa bruha e pueblo y kier haci wega cu palabranan y ta keda hunga politica siendo cu FCCA por a cuminsa traha e casnan social caba.
E parti cu Minister Geoffrey Wever ta bisa cu awo ta bay negosha , kico bo ta bay negosha ? si tur cos ta cla caba.
Segun parlamentario Xiomara Maduro esaki ta tipo di puntonan cu pueblo di Aruba mester ta mas consciente unda cu un politico ta postula su mes di ta un politico , pero e realidad e ta un comerciante cu ta wak e beneficio cu no ta di e pueblo y ta handpik un grupo di comerciante pa nan bay traha e casnan aki cu fondo publico y of si ta bay mete den FCCA manera cu ta custumber di AVP ora cu e ta den gobierno unda cu ta bin cu infrateam pa asina tin wine a dail y haci politica cu ne., Asina parlamentario Xiomara Maduro a termina ta splica.