E siman aki Minister Maduro di Finansas a reuni cu e Hunta di Comisario cu ta tene bista riba e trabounan cu Banco Central ta haci na bienestar di Aruba. E hunta ta consisti di e comisario pa gobierno Sr. Arie Swaen, y comisarionan Sra. Yvonne escalona, Sr. Tico croes y Sr. Ling Wong.
Regularmente Minister di Finanzas ta reuni cu e Hunta di Comisario pa nan por ta na altura di, entre Otro, e maneho financiero di gobierno. Na final di e reunion Minister Maduro a gradici Sra. Yvonne Escalona pa su aporte valioso durante e ultimo 9 añanan como comisario den e Hunta.
