BonaireFeatured

Muchanan forma parti di E palu di kuenta ta konta di Kompa Nanzi

Ace Kids Club

ACE Kids Club lo bai kuminsa ku un proyekto nobo titula “Palu di Kuenta ta konta di Kompa Nanzi”.  Pa e proyekto nobo aki nos ta buskando muchanan entre 6 pa 11 aña ku tin talento ku lo tin gana di forma parti di nos siguiente obra treatral. 

Aña pasá ACE Kids Club a traha riba “E palu di kuenta” un obra ku tabata konta di personahenan di kuentanan di fantasia manera “Roodkapje, Hans & Grietje, Sneeuwitje”. E palu di kuenta a keda presentá varios biaha pa publiko general. 

E aña aki nos ke konsentra riba e famoso personahe kultural ku henter pueblo di Bonairu konosé kual ta Kompa Nanzi. Den e obra aki nos lo bai haña diferente personahe manera Shi Maria, Shon Arei, Cha Tiger, Pega Saña i hopi mas. E obra lo tin komo base aktuashon, baile, musika i obra di man. 

E parti di aktuashon i direkshon lo ta bou di guia di Lilimar Valencia. Joënny Molina i Amalie Melaan lo ta enkarga ku koreografia, Aimee Janga lo ta enkarga ku kanto i Joanne Nicolaas ku e parti di obra di man. 

Trainingnan lo kuminsa den e luna di oktober i e obra lo kedá estrená den  e luna di dezember 2022. 

Mayornan si bo ta interesá pa bo yu(nan) forma parti di e obra teatral “Palu di Kuenta ta konta di Kompa Nanzi” inskribi bo yu mes ora. Lugánan ta limita pues no tarda na lastu momentu pa tuma un desishon. 

Pa mas informashon por tuma kontakto ku nos na acesbonaire@gmail.com. Por manda nos un mensahe via di +599 785 9832 òf via di facebook page: ACE Bonaire. 

Un danki na SKAL, Maduro & Curiels Bank, Fundashon Wega di Number Boneiru, WEB, Playa Traiding, Gartish, Wilca N.V i Top Professional Cleaning pa nan aporte na Art Culture Education Foundation pa asina nos por sigui krea mas proyekto edukativo na nos muchanan. 

Related posts

Prome Minister Evelyn Wever-Croes: Den union, Elmar y Dow a logra finalisa e proyecto pa pone luz nobo den caya di Bernardstraat

EA News Author

Aserkamentu amplio den fase di problemátika di kachó i kon pa salvaguardá bienestar di bestia

EA News Author

Buki Bo promesa Mi Orashon

EA News Author

Leave a Comment

Whatsapp Message