Social

Actividad di Prinsjesdag VNO 2022


Riba diamars 20 di september Reprecentacion di Hulanda na Aruba (VNO) hunto cu alumnonan di historia y institucion di estado (geschiedenis en staatsinrichting), for di VWO clase 6 di Colegio Arubano y Schakelcollege, a organisa e actividad di Prinsjesdag anual.

E actividad aki riba di tres diamars di september ta un bunita ocasion pa brinda atencion na e nificacion di Prinsjesdag na Hulanda y e nificacion di esey pa e paisnan den Reino, particularmente e pais Aruba.

E dia a cuminsa cu un relato cortico di e troonrede pronuncia dor di Rey Willem-Alexander, caminda despues Representante Suplente di Hulanda na Aruba, señor Abrahams, a splica mas over di e nificacion di Prinsjesdag, troonrede, pero tambe e presentacion di e presupuesto y debatenan over di esaki den Parlamento, conoci como e algemene politieke en financiele beschouwingen.

Despues e invitado special di e mainta, ex gobernador Fredis Refunjol, a splica con e proceso di presupuesto di Aruba ta funciona y kico ta e rol di Parlamento den esaki.

A clausura e dia cu un sesion di debate dinamico over di actualidadnan caminda diferente grupo di alumno mester a defende varios punto di bista y cu esaki por a gana mitar studiepunt pa e vak di historia y institucion di estado.

Related posts

Prome Minister Evelyn Wever-Croes:Feliz dia internacional di hende muhe

EA News Author

Ilustrado di buki ‘ora ubao / schelpeneiland’ ta regala un copia di e buki na prome minister

EA News Author

DAS ta preparando pa pago di bijstand dia 4 di april proximo

EA News Author

Leave a Comment