Siman internacional di Housekeeping 2021, den comienso di September, tabata yena
cu sorpresa pa e tremendo trahadornan y miembronan di team di e departamento di housekeeping na
Hilton Aruba Caribbean Resort & Casino.
E eventonan durante e siman aki organisa pa departamento di recursonan humano, a inclui un programa
interactivo cual a wordo hinca den otro den colaboracion cu e departamento di Food & Beverage.
“E aña aki nos ta celebrando forsa, compromiso y curason di nos miembronan di team. Cada un di boso
ta forma un parti integral den mantene nos bishitantenan y coleganan saludabel y safe,” General
Manager Vasco Baselli ta bisa, agregando cu, “Nos ta hopi agradeci y ta aprecia tur locual boso ta haci,
y nos ta hopi contento di por celebra boso pa henter un siman di sonrisa, alegria y felicidad.”
E siman a cuminsa cu un encuentro di ice-cream na entrada di e departamento di housekeeping, sigui
pa un tremendo desayuno di aprecio e siguiente dia, un dia di Pizza, un dia di Donut y Snack Box treat,
agregando un toke di emocion cada dia di trabao.
Na Hilton, siman internacional di housekeeping ta wordo celebra full rond mundo, reconociendo e team
di housekeeping pa nan dedicacion y gran esfuerso tur dia. Na Hilton Aruba Caribbean Resort & Casino,
e team di liderazgo ta reconoce y mustra su aprecio na tur e contribucionnan haci pa e resort su
heroenan tras di cortina riba un base diario.
Den e siguiente imagen, por mira e heroenan di Housekeeping como centro di atencion pa e siman.
