Ricardo Drue, e sensacion di Soca, a ser declara morto na Sir Lester Bird Medical Centre rond di 12’or di merdia. El a ser hiba di urgencia na hospital despues di a ser haña sin reaccion den su camber. Drue tabata programa pa bula for di e isla mas laat den oranan di atardi, pero cu no a logra esaki.
Miembronan di famia y e fraternidad di entretenimento a reuni na hospital despues di e noticia chocante aki. Ricardo Drue ta un di e personahenan di Soca mas popular na Antigua. Condolencia y forsa na famia y sigur tambe na e conocida Patrice Roberts cu ta su prometida unda cu nan tabatin plan pa bay casa.