KRALENDIJK, Bonaire
Tur persona ku djamars a tèst djamars durante un Drive-Thru pa wak si nan ta kontaminá ku e vírùs di corona a haña un resultado negativo. Tur e 39 personanan ku a pasa na departamento di Salubridat Públiko a tende ku nan no tin Covid-19.
Ku e Drive-Thru djamars Entidat Públiko Boneiru (EPB) a ofresé tur ku tin síntoma, na un manera aksesibel, e oportunidat pa hasi un tèst. Espesial tambe esnan ku resien a bishitá Aruba a haña asin’aki un oportunidat pa hasi un tèst. E brote na Aruba ta mustra kon serka e vírùs di corona por yega. Te ku kuminsamentu di ougùstùs tabata konsiderá Aruba un pais seif. Desde 6 ougùstùs Boneiru a suspendé e tráfiko aéreo ku Aruba.
Durante e Drive-Thru e departamento di Salubridat Públiko a traha huntu ku Fundashon Mariadal i ofisina di dòkter di kas Bonaire Medical Center. Si un persona tin síntoma di Covid-19 semper e por yama 0800-0800. Ta importante pa ora hasi un tèst pa e persona keda kas te ora e haña resultado. Na e dòkternan di kas tambe por akudí si tin indikashon relatá na Covid-19. Ta importante keda mantené e reglanan di higiena. Protehá bo mes i esnan rondó di bo.
