Den oranan di mainta mayornan di Ayden Lanoy a reuni cu ministerio publico. E mayornan di e hoben cu a perde su bida den un persecucion policial ta duna di conoce cu nan mester a bin ministerio publico pa papia cu fiscal pa asina nan por haya algun informacion riba e caso di nan yiu cu a keda tira pa un polis dia 9 di februari ultimo. Segun e mama e caso ainda ta bou di investigacion y awo a resulta cu no ta 18 bala a ser tira pero 20 bala. E mama y e tata cu hopi tristesa den nan curason ta indica cu tur cos ainda ta bou di investigacion y ta gradici prensa pa ta cu nan y ta atento cu nan bibando e momentonan dificil aki pa cu e investigacion di nan yiu. Sinembargo no a haya sa mucho di e investigacion y e por tarda un poco mas pa por haya un resultado , pero cu nan como mayor por ser yama na cualkier momento pa asina haya mas informacion pa haya mas informacion di e investigacion. Segun mama di Ayden ministerio publico a bisa cu e investigacion lo tarda. Sinembargo loke cu ta haciendo hopi mas dolor pa e famia ta cu awo a resulta cu no ta 18 bala nan a tira riba e hoben , pero 20 bala a ser tita den direccion di e hoben, pa e mama e por ta dos di diferencia pero e ta haci dolor, e situacion ta haci dolor aunke ta 1 bala so a yega na e yiu. Tambe loke cu ta un realidad cu e famia ta biba den un insertidumbre mirando cu cada biaha tin un storia diferente pa loke ta trata e caso. Famia ta haci pregunta pero no ta tur pregunta ta wordo respondi. Den henter e proceso aki nada a keda entrega na e famia di Ayden ainda, ni auto, loke cu si a keda entrega ta e curpa nan di yiu stima pa por bay dera.
Mama di Ayden Lanoy Rosimely Lanoy-Cordero ta duna di conoce cu loke nan kier banda di loke no por ta cu e atencion y presion di nan como famia ta purba di duna ta pa e investigacion tin un final y cu esaki kiermen cu ningun agente policial por haci uzo di su poder pa haci un inhusticia di e manera aki cu awe cu nan como mayornan y famia ta pasando.
