Shiphol Group ta un parthner strategico pa Aruba y e no ta shareholder di Pais Aruba , pero den pandemia a trata di pusha y haci mal uzo di e ocasion di pandemia pa haya grip y autoridad den AAA. E grupo Hulandes a trata di haya poder y haya shares , pero Aruba no mester pa nan ta parthers tampoco paso Aruba su aeropuerto ta bon maneha, a demostra den tur e tempo cu nan no tabatey e aeropuerto di Aruba tabata den bon man sin e grupo Hulandes di Shiphol Group. Sinembargo no ta solamente e grupo aki Aruba por traha cu ne , Aruba tin amplio posibilidad pa traha cu diferente parthernan strategico manera Corsou tambe ta haciendo cu un grupo di Brazil.
Ex minister Dangui Oduber ta indica na momento cu a papia cu e empleadonan cu ta traha diariamente cu Schiphol Group nan no ta mira e balor agrega pa un relacion cu nan. Tur Aruba su Airelift ta bin for di Merca y e unico cu ta bin di Hulanda ta KLM cu e volumen a keda baha durante aña. Esaki ta significa cu tin otro parthernan strategico cu tambe por wordo considera di e mes un calidad y e mes un nivel y hasta por ta miho cu Schiphol. Segun ex minister di turismo Dangui Oduber na momento cu analisa e condicionnan cu nan ta exigi y cu nan no ta ni un shareholder di e compania bo ta puntra bo mes con nan ta permiti nan mes di exigi tanto siendo cu nan no ta ni shareholder di e compania pero ta un partherner strategico. E autoridad cu Schiphol Grout ta trata di gara y haya riba AAA ta un modus operandus di manera di negosha di Hulandes nan, pero si nos permiti esaki y laga nan bin domina na Aruba ta miho nos bay cas mirando cu no ta para pa bienestar di Pais Aruba. E manera cu Schiphol Group kier negosha cu Aruba e ta inaceptabel y ta un falta di respet na nos debi cu nan ta wak cu Aruba ta un Pais Chikito y ta kere ta manda siendo cu no tin nada di bisa , pero di ta solamente un parther strategico y cu nan mester cumpli cu loke nan a bin pa haci.
Si mester mira na pais ruman Corsou cu tambe ta forma parti den Reino Hulandes nan tin un compania di Brazil cu ta nan parthner strategico y na Aruba tambe por tin e posibilidadnan aki , Aruba no precisamente mester tuma y acepta Schiphol como nan parther strategico. Mirando cu mayoria avion ta bin for di Merca, aki tambe tin suficiente compania cu lo por bira un partner strategico pa cu aeropuerto di Aruba.
Segun ex minister Dangui Oduber pa tur e motibonan aki a dicidi di para fuerte pa loke ta importante pa Pais Aruba y no pa e parther strategico su beneficionan.