Ta un berguensa cu minister Geoffrey Wever sa cu finansas di Aruba ta na ordo y e mes ta entrega Aruba su finansa na Hulanda pa 50 miyon cu e minister kier haya sin cu Aruba tin mester di dje.
Parlamntario Edgar Vrolijk ta tuma nota cu minister Geoffrey Wever ta hustifica e Rijkswet, sinembargo loke cu mester ta bon cla ta cu nos no ta na 2015, mester corda cu na 2015 ta partido AVP mes tabata na mando e partido cu minister Geoffrey Wever ta forma parti di dje tabata esun cu a maneha malo y a causa cu Aruba a haya supervision financiero cu su mes un gobierno di AVP a ocasiona cu Aruba a haya supervision financiero.
Sinembargo e momento duro nan mes den gobernacion a pasa for di mesa , na e momentonan aki e gobierno nobo di AVP –FUTURO cu tin algun luna sinta a haya un finansas di Aruba na ordo, e debe ta mas abou cu 2015, e debe di pais Aruba ta mas abou cu 2025, tin 4 aña di surplus di mas cu 500 miyon florin, e jaar rekening a wordo haci 2023 y pa fin di aña 2024, tur cos ta canando bon riba e trabounan cu gobierno di MEP a haci y no tin ni un motibo valido cu por bisa cu e Rijkswet ta na su luga.
For di 2015 tin un control di supervision riba Aruba debi cu Aruba a haya un KB na 2014 si ta corda na momento cu Mike Eman a bay bebe insure dilanti di cas di gobernador. E momento ey Hulanda por a duna un Rijkswet paso Aruba a faya , pero awe na e momentonan aki Aruba como Pais mester atende cu e Rijkswet na unda cu no tin un gobierno Hulandes, eleccion ta bay dura un aña pa forma gobierno na Hulanda y gobierno di AVP –FUTURO ta opta pa entrega e Rijkswet un acto di malicia contra di e pueblo di Aruba.
Na e momentonan aki Aruba ta bon goberna bayendo hopi bon y nos mes ta bisa nos ta bay hinca nos mes bou di Hulanda sin salida un acto di iresponsabilidad y un acto cu por bisa cu berdad e gobienro di AVP –FUTURO no sa su materia como politico pa Sali na defensa di pueblo di Aruba.
Lamentablemente minister di finansas Geoffrey Wever y Gerlien Croes ta wak e bulto di placa cu e por show y haci proyectonan cu ta un movecion politico temporal y di otro banda ta horca Aruba pone den man di Hulanda pa nan Show politico na Aruba,unda cu e interes di placa pa e por show como politico ta prome cu e dignidad di Aruba.
Parlamentario Edgar Vrolijk ta lamenta cu minister Geoffrey Wever ta gaña y manipula e comunidad di Aruba unda cu berdad na momento cu bo ta Sali ta haya un bulto di placa pero durante cu e aña nan ta bay esey tambe ta baha, berdad bo ta Sali gordo unda cu 20 pa 30 miyon a spaar pero na final di aña ora bo yega na di 16 pa 18 aña na final di aña ta 1 miyon of menos tambe bo ta spaar. Loke cu minister Geoffrey Wever ta haciendo cu Aruba no tin ningun peso pa hustifica cu cuanto lo bay spaar den e aña nan ey. Esaki ta muestra claramente cu minister di finansas Geoffrey Wever no sa kico e ta haciendo y ta nobato den finansas di Aruba y ta bruhando y kibrando Pais Aruba poco poco cu e decisionnan como un minister no experencia cu un cartera cu e no por hendel.
Parlamentario Edgar Vrolijk ta indica na final di dia pa e cantidad di placa di 50 miyon cu gobienor di AVP –FUTURO ta papia di dje durante di un periodo no ta hustifica bay den e momento aki den un Rijkswet unda cu Aruba tin un surplus di mas cu 500 miyon florin y e finansas di Aruba ta completamente na ordo. Ta un berguensa cu un minister di finasnsas sa cu finansas di Aruba ta na ordo y e mes ta bay entrega Aruba su finansa na Hulanda pa 50 miyon cu e minister kier haya sin cu Aruba tin mester