BonaireInternacional

Notisia di polis di djárason 17 di mei te ku djabièrnè 19 di mei 2023

Kpcn Bonaire 1

‘Hit & Run’

Riba djabièrnè 19 di mei alrededor di 2 or di mardugá, un kaso di ‘Hit & Run’ a tuma lugá na Kaya Isla Riba. E víktima a deklará ku un persona a dal den su outo ku tabata stashoná i despues a kore bai. Un testigu di e aksidente a deklará ku el a mira un pikòp koló kòrá ku plachi di number V-2325, a dal den e outo. KPCN ta hasi un yamada na doño di e vehíkulo aki pa mèldu na warda di polis. Investigashon den e kaso ta andando.

Bo ta víktima di un kaso di ‘Hit & Run’? Purba mira plachi di number di e vehíkulo ku a kometé esaki, rekonosé e tipo di vehíkulo, koló di vehíkulo i e posibel shofùr. Despues mèldu esaki mesora na polis. E persona ku a kometé e akto i kore bai tin 3 ora pa mèldu su mes na warda di polis. Si dentro di 3 ora e no mèldu, e víktima por entregá keho pa violashon di artíkulo 31 di e buki di ‘Wegensverkeersverordening Bonaire’. E ora ei, polis ta kuminsá ku un investigashon ku por yega na konsekuensianan penal. 

Detenshon pa manehá bou di influensia

Alrededor di 8.40 or di anochi riba djaweps 18 di mei, un aksidente a tuma lugá riba Kaya Korona. Ningun di e personanan involukrá no a resultá heridá akonsekuensia di e aksidente aki. Despues di un kòntròl mas aleu riba dokumentonan konserní, a resultá ku un di e shofùrnan no tabatin un reibeweis i papelnan di seguro bálido huntu kuné. Mas aleu a resultá ku e tabata bou di influensia di alkohòl. A detené e hòmber di inisial H.E.S.N. di 66 aña di edat enkonekshon ku manehá bou di influensia i el a haña un prosèsferbal pa e otro infrakshonnan.

Violensia públiko

Riba djaweps 18 di mei alrededor di 3.30 di atardi, un persona a bin na bali di ‘intake’ pa duna keho di violensia públiko. E víktima a deklará ku dos sospechoso a maltrat’é na altura di e waf di piskadó na Kaya J.N.E. Craane. Bo ta disponé di imágen di vidio? E ora ei por manda esaki via e meil adrès politie@politiecn.com. Lo trata tur imágen ku drenta di tal manera ku bo anonimidat ta garantisá. Si banda di esaki bo a mira òf tende algu ku por yuda ku e investigashon, e ora ei bo por mèldu esaki via 715 8000 òf via di e liña di tep anónimo 9310.

Related posts

For di prome di augustus a dectecta Monkypox den Caribe

EA News Author

Gobièrnu di Boneiru i Tourism Corporation Bonaire den koperashon ku Ir Sais ta yama bon biní na Boneiru na e artistanan internashonal Konshens, Farina Pao i Mike Bahia

EA News Author

Adaptashon preis di kombustibel na Boneiru

EA News Author

Leave a Comment

Whatsapp Message