Relaciona cu e informacion cu a circula awe riba e fecha di e caso den corte contra mi persona, mi ta informa cu mi a wordo cita pa Ministerio Publico pa ta presente durante e caso den corte cu lo inicia dia 18 di november y ta poni pa termina dia 2 di december, cu un uitloop tijd (si ta necesario) te cu 6 di december.
Di e forma aki mi ta ratifica cu mi ta mas cu cla pa declara den e caso manera mi a bin ta cla pa esaki desde mas di dos aña caba. Mi ta e prome interesa den aclaria mas pronto cu ta posibel un proceso inhusto, yena cu mentira, iregularidadnan y tardansanan. Mi ta inocente y esaki ta mi oportunidad pa probe na henter pueblo di Aruba. Awe mi ta candidato hustamente pasobra mi ta convenci y sigur di mi inocencia. E berdad ta loke lo permitimi traha incansablemente pa lidera e construccion di un pais sostenibel, moderno y cu oportunidadnan pa tur Arubiano.
Otmar Oduber